Puntuazioa erabili: / 0
TxarraOna 

Hemen duzuen informazioa teknikoa da. Proiektu hauei buruzko nire ikuspegi subjektiboaz gehiago jakiteko, ikus "Nire esperientzia proiektuetan" atalean.

ORAINGO PROIEKTUAK

• CREANOVA europar proiektua (Creative Learning and Networking for European Innovation), Europar Batasuneko LLLeko zazpigarren Programa Markoaren barruan. Hezkuntza, Ikus-entzunezkoak eta Kulturaren Agentzia, Europar Batasuna. http://www.creanova-project.eu/
  
  • Iraupena: 36 hilabete
  • Nire zereginak:
    • Ikerketa: proiektuaren marko teorikoan parte hartzea,praktika onenen identifikazioa eta balidazioa koordinatzea
    • Web-antolaketa: proiektuko web-tresnen ezarpen-estrategia eta dokumentazioaren kudeaketa garatzea. Moodle plataforma kudeatzea lan-taldeak eta proiektuko kideak koordina daitezen. Praktika Onenen datu-basea antolatzea. Proiektuko webgunean aholkularitza

• iKide Sarea:   Euskal Herriko Unibertsitateko irakasleek osatutako sare ez-formala, Moodle eta antzeko tresnak zabaltzeko, irakaskuntzan integratzeko, irakasleak motibatzeko eta aholkularitza emateko sarea http://www.ikide.org
  • Iraupena: 2004. urtetik hona
  • Koordinazio-taldea: Floren Fernández Marzo, Mikel Garmendia Mujika, Angel Pérez Manso, Ainhoa Ezeiza
  • Formatzaile-dinamizatzaileak:
    • Gipuzkoako Campusean: Mikel Garmendia, Angel Pérez, Floren Fernández
    • Bizkaiko Campusean: Julio García García de los Salmones, Pedro Flores, Asier Aranzabal, Jose Luis Ayastuy
    • Arabako Campusean: Gontzal García, Iker Ros, Karle Olalde, Jose Angel Ortega, Ainhoa Ezeiza
  • Nire zereginak:
    • Moodle eta irakaskuntzaren euskarrirako beste tresna batzuk bultzatzeko, formazioa emateko eta irakasleei laguntzeko sarea eraikitzea eta zabaltzea
    • Unibertsitateko irakasleak, LHko IKT dinamizatzaileak, enpresak eta irabazi asmodun eta asmo gabeko elkarteak formatzea plataformak eta beste tresna batzuk ikaskuntza-prozesuetan integra ditzaten
    • Irakaskuntza-berrikuntzarako ekimenak sustatzea eta orientatzea formazio-egintzaren ondorengo laguntzaren bitartez.
    • IKTak eraginkor erabiltzeko aholkularitza ematea hainbat proiektutan
    • Irakasleen partaidetza sustatzea elkarlanerako eta elkar-formaziorako sareetan
    • Urteroko Moodle Elkartrukerako Esperientziak antolatu eta koordinatu - MoodleMoot Euskadi

• Ebaluazio psikodidaktikoa unibertsitateko foro birtualetan: komunikazio-gaitasunaren ebaluazio kuantitatiboa eta kualitatiboa. Tesi-proiektua. Euskal Herriko Unibertsitatea, UPV/EHU
  
  •  Iraupena: 2009-2011
  • Zuzendaria: Santiago Palacios Navarro doktorea
  • Doktoretza-programa: Psikodidaktika

AMAITUTAKO AZKEN PROIEKTUAK

• COVCELL (Cohort-Oriented Virtual Campus for Effective Language Learning). Socrates-Minerva Programa. Europar Batasuneko Hezkuntza batzordea. Hizkuntzen ikaskuntzan elkarreragina eta komunikazioa errazteko bideak eraikitzea. http://www.covcell.org ,http://moodle.org/course/view.php?id=31
  • Iraupena: 24 hilabete, 2005-2007
  • Garapen teknologikoak: Moodle plataforman instalatzeko komunikazio sinkronikorako moduluen garapena (pluginak): Presence blokea, audio-bideo txata, arbel partekatua, Nire Moodle orriaren garapena. Java, Red5 eta garapen propioak GNU lizentziapean
  • Irakaskuntza-ikerketa: nazioarteko inkesta hizkuntza- ikasle eta irakasleei behar teknologikoak biltzeko, garapenen aplikazio didaktikoaren diseinua eta aplikazioa ikasgelan
  • Nire zereginak:
    • Ikertzaile: nazioarteko ikasle eta irakasleen beharrak aztertzea eta ondorioak erauztea
    • Formatzaileen formatzaile: hizkuntz irakasleak formatzea moodlen eta modulu berrien erabilera tekniko-didaktikoetan
    • Software egiaztatzaile: garatutako moduluen bertsio desberdinak testatzea eta akatsak jaso eta jakinaraztea garatzaileei
    • Proiektuaren hedatzaile: hizkuntz irakasleen komunitateari eta moodle erabiltzaileen komunitateari proiektuaren berri ematea jardunaldietan, kongresuetan eta foro birtualetan

• La co-construcción del conocimiento y la evaluación del foro educativo virtual: una aproximación cuantitativa y cualitativa: Inguru birtualen ebaluazio psikodidaktikora hurbiltzeko jasotzen diren datuen analisia eta datuen bilketa sistematizatzeko egindako azterketa. Eusko Ikaskuntza
  • Iraupena: 12 hilabete
  • Datuen prozesamendua: Moodleren MySQL datu-basea migratzea SPSSan analizatzeko, NVivo programak lagundutako analisi formala
  • Nire zereginak:
    • Ikertzaile: marko teorikoa eraiki, berrikusitako bibliografiaren laguntzaz gaitasun komunikatibo eta sozialen ebaluaziorako irizpide-panela egin, kategoriak aplikatu NVivo-ren laguntzaz, datu estatistikoak aztertu eta ondorioak erauzi, emaitzak hedatu biltzarretan eta aldizkari zientifikoetan

• PREST proiektua (Profesionalen Berariazko Komunikazio Gaitasunen Garapenari Etengabe Laguntzeko Baliabide Telematikoak): Profesionalen komunikazio-gaitasunen azterketa teorikoa eta baliabide telematikoak garatzeko irizpide nagusiak zehaztea. I+G+B Proiektua. Gipuzkoako Foru Aldundia, UPV/EHUko Gipuzkoako Campusa, hainbat enpresa pribatu
  • Iraupena: 12 hilabete 2007-2008
  • Euskarri teknologikoak: Moodle plataforma, Joomla CMSa
  • Nire zereginak:
    • Aholkulari tekniko-didaktikoa: hainbat IKT tresna alderatu eta ikuspegi tekniko-pedagogikotik aztertu. Proiektuaren ezaugarrietarako egokienak proposatu. Profesionalen berariazko komunikazio gaitasunen garapen etengabean laguntzeko baliabide telematikoak garatzea. Irakasleentzako aholku tekniko-didaktikoak dituen gida idatzi. Proiektuko atal tekniko-didaktikoa idatzi.
    • Ikertzaile: bizitza osoan zeharreko ikaskuntzari buruzko dokumentuak aztertu eta proiektuko xedeei egokitutako dokumentua idatzi

Nire esperientziak proiektuetan